لحمه ضانى مشويه

هاى باى عليكم دى لحمه ضانى بس ايه بقى مشويه

من الاكلات الشرقيه والاكلات المصريه

المقادير:

• 1 حبة جوزة الطيب مبشورة ناعم.
• 1 بصلة كبيرة.
• فلفل رومي أخضر.• ملعقة صغيرة شطة حمراء ناعمة.
• 10 فصوص ثوم.
• لحمة ضاني مقطعة مكعبات متوسطة الحجم أو "ريش".
• كوب كبير عصير طماطم.
• ملعقة صغيرة فلفل أسود
• ملعقة كبيرة خل أبيض.
• ملعقة كبيرة كمون مطحون.
• نص فنجان زيت.

الطريقه:

هنجيب اللحمة ونغسلها كويس
هنجهز تتبيلة اللحمة وهي عبارة عن "الزيت + الخل + الكمون + جوزة الطيب + البصلة + عصير الطماطم + الفلفل الأسود + الفلفل الأخضر + الثوم + الشطة" ونضربهم مع بعض في الخلاط

بعد كده هنجيب صينية وندهنها بالخليط ده وبعد كده نبدأ في رص اللحمة في صورة طبقات وبين كل طبقة وطبقة نحط خلطة التتبيل
بعد ما نخلص من رص اللحمة نحطها وخليط التتبيل في التلاجة لمدة 3 ساعات، بعد كده نخرجها ونشويها على الشواية الكهرباء أو الفحم

وبالهنا والشفااااااااااا من الاكلات الشرقيه والاكلات المصريه

الفته باللحم الضانى اللذيذه

هاااااااااااااااااى وجشتونى اوىىىىى ازيكو عاملين انهارده اكله لذيذه فته باللحم الضانى

من الاكلات الشرقيه والاكلات المصريه

المقادير:

بصلة كبيرة ومقطعة قطع صغيرة.
• 2فص حبهان.كيلو لحم ضأن مقطع بالعظم ويا ريت يكون "لحم الكتف".
• نص كيلو رز.
• ماء ساخن.
• ملعقة قرنفل. نصف ملعقة صغيرة مبشور جوزة الطيب.
• عود قرفة.
• ورقة لاورا.
• ملح.
• كوباية كبيرة عصير طماطم.
• ملعقة كبيرة سمن.
• ملعقة كبيرة صلصة طماطم.
• ملعقة خل أبيض
• 6فصوص ثوم مهروس.
• رغيف خبز محمص

الطريقه:

هنسلق اللحمة الضاني ونضيف ليها عند السلق بصلة وورقة لاورا وفص حبهان وملعقة القرنفل والملح ونسيبها لغاية ما تستوي

أثناء ما اللحمة بتستوي هنجيبِ الأرز ونغسله وبعد كده نجيب الصينية اللي هنعمل فيها الأرز ونحط فيها ملعقة ونصف سمنة وبعد كده نضيف ليها الرز ونقلبه على النار لمدة خمس دقائق بعد كده نجيب ميه ونضيف ليها شوية ملح ونضيفها للرز ونسيبه على نار هادية لغاية ما يستوي

هنجيب بصلة ونقطعها قطع صغيرة ونحمرها في السمنة لغاية ما نلاقي لونها بدأ يميل إلى اللون الأصفر نضيف ليها التوم مع التقليب لما نلاقيهم لونهم بدأ يكون ذهبي نضيف ليهم كوب عصير الطماطم والصلصة ونسيبهم على نار هادئة لمدة 10 دقائق، ونضيف ليهم شوية شوربة ونسيبهم على النار لمدة ربع ساعة

بعد كده هنجيب الصينية ونقطع فيها الخبز ونضيف ليه شوربة اللحمة ونسيبهم لمدة عشر دقائق علشان العيش يتشرب من الشوربة

هنجيب طبق كبير ونحط فيه الأرز والخبز ونحط فوقهم الصلصة اللي عملناها ومن فوقها اللحمة

وبالهنا والشفاااااااااا ودى كانت من الاكلات الشرقيه والاكلات المصريه