هعملكو انهارده كنافه بالبلح الاسود والسمن البلدى
المقادير
كيلو كنافه
قطعة سمن بلدى
نص كيلو بلح
الطريقه
اول حاجه الكنافه هتبقى فى الفريزر عشان تتلج وتبقى سهلة التفتيت
ونخرجها ونفتتها ونبقى مسيحين قطعة سمن ونرش بالمعلقه عليها بعد
مانفتتها عشان تبقى منديه كده وبعدها ندهن الصينيه بالسمن ونحط
نص الكنافه المتفتته فى اسفل الصينيه ونكبس جامد ونضغط عليا بالايد او بهراسة الطاطس وبعدها نرص البلح المتقشر الاسود الجميل وبعد كده هنحط باقى الكنافه الى باقيه ونضغط تانى عليها جامد وبعد كده هنرش رشه السمن البلدى بالمعلقه كده ونحطها ع البوتجاز من فوق ونفضل نلفها لحد ما الاطراف تبقى دهبى يدوبك ١٠ دقايق كده بس اهم حاجه تفضلى تلفى فيها عشان متتحرقش وبعدها نقلبها على طبق عشان نقلبها ع الوش التانى يتحمر ونفس الحكايه نلف فيها عشان متتحرقش ونبقى مجهزين العسل الى هنسقى بيه بعد ماتخلص الكنافه وهنسقى بالمعلقه عشان تبقى مقرمشه وحلوه بلاش تحطيه مره وحده هتطرى منك والعسل طريقته كوباية سكر على كوباية ميه ورشة لمون وكده يبقى الكنافه جاهزه للاكل وبالف هنا وشفا ع قلبكم يارب
المقادير
كيلو كنافه
قطعة سمن بلدى
نص كيلو بلح
الطريقه
اول حاجه الكنافه هتبقى فى الفريزر عشان تتلج وتبقى سهلة التفتيت
ونخرجها ونفتتها ونبقى مسيحين قطعة سمن ونرش بالمعلقه عليها بعد
مانفتتها عشان تبقى منديه كده وبعدها ندهن الصينيه بالسمن ونحط
نص الكنافه المتفتته فى اسفل الصينيه ونكبس جامد ونضغط عليا بالايد او بهراسة الطاطس وبعدها نرص البلح المتقشر الاسود الجميل وبعد كده هنحط باقى الكنافه الى باقيه ونضغط تانى عليها جامد وبعد كده هنرش رشه السمن البلدى بالمعلقه كده ونحطها ع البوتجاز من فوق ونفضل نلفها لحد ما الاطراف تبقى دهبى يدوبك ١٠ دقايق كده بس اهم حاجه تفضلى تلفى فيها عشان متتحرقش وبعدها نقلبها على طبق عشان نقلبها ع الوش التانى يتحمر ونفس الحكايه نلف فيها عشان متتحرقش ونبقى مجهزين العسل الى هنسقى بيه بعد ماتخلص الكنافه وهنسقى بالمعلقه عشان تبقى مقرمشه وحلوه بلاش تحطيه مره وحده هتطرى منك والعسل طريقته كوباية سكر على كوباية ميه ورشة لمون وكده يبقى الكنافه جاهزه للاكل وبالف هنا وشفا ع قلبكم يارب
