فخد ضاني في الفرن مع أرز بالخلطة

فخد ضانى فى الفرن مع ارز بالخلطه جربو وردوا عليااااااا

من الاكلات الشرقيه والاكلات المصريه

المقادير:

• فلفل أصفر وأخضر مقطع قطعا صغيرة.• كيلو رز.
• كوباية كبيرة زيت.
• 2 ملعقة كبيره ملح.
• 2ملعقة كبيرة عسل أبيض.• فخدة ضاني.
• كيلو فلفل رومي أحمر.
• 4علب زبادي.
• 5معالق صغيرة خل تفاح
• 2ملعقة كبيرة بهارات.
• ملعقة صغيرة كاري.
• نصف كيلو بندق.
• كوباية كبيرة ماء.
• ملعقة صغيرة فلفل أسود.
• قطعتان فحم.
الطريقه:

هنجيب الفخدة ونعمل فيها فتحة كبيرة بالسكين، بعد كده نتبل الفخدة بمزيج الخليط الآتي" الزبادي والملح والعسل والخل والبهارات والفلفل الأسمر

بعد ما نتبل الفخدة بالخليط ده نحطها في الثلاجة لمدة يوم بعد كده نطلعها من التلاجة ونجيب الفلفل الرومي الأحمر ونقطعه إلى قطع صغيرة ونحشيها بيه، بالإضافة إلى باقي الخليط المنقوع فيه الفخدة...

نحطها في الفرن وندهنها بالزيت ونسيبها في الفرن لمدة ساعة أو ساعة ونصف أو لغاية ما لونها يبقى أحمر وتستوي...

بعد كده نسخّن قطعتين الفحم على النار لغاية لونهم ما يبقى أحمر ونحطهم على الفخدة وهي سخنة ونغطي عليها علشان تحتفظ برائحة الفحم علشان تدي مذاق ورائحة رائعة
نصفّي الصوص النازل من الفخدة ونضيفه إلى الرز على النار ونقلب كويس وبعد كده نضيف إليهم كاري وملح ومية وبندق ونقلبهم على نار هادية لمدة ربع ساعة أو لغاية ما نلاقي الرز استوى

هنجيب الفخدة ونقطعها شرائح ونقدمها في طبق مع الرز ونرش من فوق شوية ملح وفلفل أخضر وأصفر للتجميل

وبالهنا والشفاااا من الاكلات الشرقيه والاكلات المصريه

صينية الرقاق بالبشاميل

صينية الرقاق بالبشاميل جميله جدااااااااااااا من

الاكلات الشرقيه والاكلات المصريه

المقادير:

• نص كوب كبير زبدة.• نصف كيلو رقاق.
• بصلة مقطعة قطع صغيرة.
• نص كيلو لحمة مفرومة
• نص كوب كبير دقيق.
• 4 كوبيات لبن.
• ملح و فلفل.
• 2بيضة.
• كوب كبير شوربة لحمة

الطريقه:

هنعصج اللحمة المفرومة عن طريق إننا نقطع بصلة كبيرة إلى قطع صغيرة بعد كده نضيف ليها الملح والفلفل الأسود واللحمة ونحطهم على النار ونضيف ليهم معلقة زبدة ونسيبهم على النار مع التقليب المتسمر وبعد نص ساعة نضيف ليها كوباية مية ونسيبها على النار لغاية ما اللحمة تشرب المية وتستوي.

بعد كده هنجهز البشاميل عن طريق إننا نسخن الزبدة ونضيف ليها الدقيق مع التقليب لغاية ما لون الدقيق يبقى ذهبي بعد كده نضيف ليه اللبن تدريجيا مع التقيب المستمر لغاية ما يبقى قوامه سميك بعد كده نضيف ليه الملح والفلفل الأسود بعد كده نشيله من على النار وبعد ما يبرد نجيب بيضة ونحطها في طبق ونضربها بالمضرب مع الملح والفلفل وبعد كده نضيفها إلى البشاميل ونقلبهم مع بعض

هنجيب الرقاق ونبلّه بالشوربة السخنة "ممكن إننا نستبدل الشوربة بالمية" علشان يكون خفيف.هنجيب صينية فرن وندهنها بالزبدة ونرص فيها نص كمية الرقاق الموجود عندنا ونضيف ليها اللحمة وبعد كده نص كمية البشاميل وبعد كده نرص باقي كمية الرقاق الموجودة، بعد كده نغطي وش الصينية بباقي كمية البشاميل الموجود عندنا.

هندخل الصينية في فرن متوسط الحرارة لمدة نص ساعة أو لغاية ما وشها يحمر بعد كده نخرجها من الفرن ونقطعها

وبالهنا والشفااااااااودى كانت من الاكلات الشرقيه والاكلات المصريه

كيشك بالجمبرى

ازيكووووووووو هههههههههههانهارده

كيشك بالجمبرى من الاكلات الشرقيه والاكلات المصريه

المقادير

بعض عيدان من الكرفس - معلقة زبده

كوب ماء - كيلو جمبرى - 3ملعقة دقيق

بهارات(ملح - فلفل - شطه حمراء ) - 2 معلقة معجون صلصة

الطريقه

اولا نقشر الجمبرى

نضع الدقيق مع الزبدة على نار هادئه حتى يصفر ثم نضع معجون الصلصة بعد تذويبه بقليل من الماء ونضيف الجمبرى

نضع الكرفس والفلفل والملح على الجمبرى على النار مع التقليب المستمر حتى يكون متماسك مع بعضه

يوضع فى اطباق حتى يبرد ثم يوضع الثلاجه لمدة ربع ساعة وبالهنا والشفااااااااا

من الاكلات الشرقيه والاكلات المصريه

الباذنجان الاسود والطماطم والفلفل

الباذنجان الأسود والطماطم والفلفل بنوعيه

من الاكلات الشرقيه والاكلات المصريه

المقادير

{ كيلو من الباذنجان

{ رطل (1/2 كيلو) طماطم

{ رطل (1/2 كيلو) فلفل

{ سمن أو زيت

الطريقة

1. يشوى الباذنجان الأسود على الفحم حتى تجف القشرة الخارجية.

2. تنزع القشرة الجافة ويغسل بالماء ثم يعصر من الماء جيدا.

3. تشوى الطماطم والفلفل على الفحم و تقشر.

4. يخلط كل الخليط مع بعض ويضاف السمن البلدي أو الزيت العادي للأكل ويضاف الملح شرط أن يأكل مع الخبز المنزلي

الطازج...وبالهنا والشفا ودى من الاكلات الشرقيه والاكلات المصريه

بطاطس بالكريمه

بطاطس بالكريمه

ودى من الاكلات الشرقيه والاكلات المصريه

المقادير:

- نص كوب كريمة لبانى- فص ثوم مهروس - بصلة مبشورة - جبنو مبشورة - ملح وفلفل
- معلقة كبيرة زبدة- نص كيلو بطاطس - نص كيلو حليب - 2 صفار بيضة

الطريقه:

- اقشر البطاطس واقطعها حلقات رفيعة اتخن من الشيبس حاجة بسيطة .

- فى طبق فرن اضع الزبدة كلها فى الصينية وارصص شرائح البطاطس
ارش على الوش الثوم والبصلة والملح والفلفل.

- اصب نص كمية الحليب على البطاطس ثم اضع صفار البيض على باقى كمية الحليب
واخلطهم مع بعض ثم اضع عليهم الكريمة اللبانى واخلط تانى كويس
- ثم اصبهم على الصينية وارش الوجه كله بالجبنة المبشورة.
- ادخل الصينية الفرن على الرف اللى تحت علشان تغلى وتستوى.

وبالهنا والشفا ودى كانت من الاكلات الشرقيه والاكلات المصريه

البيض بالمايونيز

البيض بالمايونيز
من الاكلات الشرقيه والاكلات المصريه

المقادير:
كميه من صلصة المايونيز 6 بيضات مسلوقه جامده
كميه مناسبه من الاعشاب المفريه (بقدونس او كرفس)

الطريقه:
- يقشر البيض ويقطع الجزء الامامى المدبب ثم يستخرج الصفار بحذر .
- يهرس الصفار بالشوكه ويوضع فى طبق التقديم ويرص فوقه بياض البيض
على ان تكون فتحة البيضه الى اعلى
- يملآ كل بياض بالمايونيز ويرش حوله الاعشاب المفريه وقطع البياض المتبقيه بعد
تقطيعها شرائح رفيعه .

وبالهنا والشفا ودا كان من الاكلات الشرقيه والاكلات المصريه

الدجاج بالبصل

الدحاج بالبصل
ودى من الاكلات الشرقيه والمصريه

المقادير:
كيلوا الاربع بصل حلقات رفيعه ملح وفلفل وذرة سكر
1 ملعقه صغيره مسحوق القرفه 2 ورقة لورا
2 بيضه مسلوقه جامده 6 فصوص ثوم مدقوق ناعم
1 ملعقه صغيره جنزبيل مسحوق 1 ملعقه كبيره سمن
1 دجاجه كبيره
الطريقه:
- تنظف الدجاجه وتقطع الى اربع قطع او اكثر وتغسل بالدقيق والماء وتترك فى المصفاه لتصفى ماءها
-يسيح السمن فى الاناء وتشوح فيه قطع الدجاج من الوجهين ثم تنشل ويحتفظ بها على حده فى نفس الاناء توضع حلقات البصل والملح والفلفل وذرة السكر وتترك على نار هادئه جدا مع التقليب من وقت لاخر مدة خمس دقائق ثم تضاف قطع الفراخ وورق الورا والقرفه والجنزبيل يقلب الخليط وتغطى قطع الفراخ بالماء وتتبل بالملح والفلفل يغطى الاناء ويترك على النار الهادئه حوالى ساعه الا ربع قبل تمام النضج بخمس دقائق يضاف الثوم
- يوضع الدجاج فى طبق التقديم يهرس البيض جيدا ويرش على وجه الدجاج ويقدم مع طبق الارز
ودى كانت من الاكلات الشرقيه والمصريه
وبالهنا والشفا ذوقوا وقولوا رايكوا

الباميه الويكه

ازيكوا عاملين ايه دى بقى
الباميه الويكه من الاكلات المصريه والشرقيه

المقادير :
نصف كيلولحم مكعبات 1 بصله كبيره مبشوره
واحد ونصف ملعقه كبيره سمن ملح وفلفل وشطه حسب الرغبه
1 كيلوا باميه خضراء كبيرة الحجم
من3-4 كوب ماء اومكعب مرقه مذاب فى الماء المغلى
للتقليه:
نصف راس ثوم مدقوق- 1ملعقه كبيره سمن - 1ملعقه كيره كسبره ناعمه
الطريقه:
تجهز الباميه وتقمع ثم تحمر فى السمن وتنشل . يشوح البصل المبشور فى نفس السمن
حتى يصفر لونه ثم تضاف اليه مكعبات اللحم وتحمر
- يضاف الماء او الشوربه للحم ويترك على النار حتى يقترب اللحم من النضج فتضاف اليه الباميه وتقلب جيدا ثم يغطى الاناء وتترك على نار هادئه قبل تمام النضج بخمس دقائق نهرس الباميه بالشوكه ونضبط التتبيل ثم ترفع من على النار
- يحمر الثوم مع الكسبره فى السمن ثم يضاف اليه الباميه
ودى بقى تبقى من الاكلات الشرقيه والمصريه
وبالهنا والشفا وجربو وردو عليا عجبتكوا ولا

هاى باى عليكم ذوقوا ياجماعه
وادعولى هههههههههههه

المقادير*
1 بصله متوسطه-جزره متوسطه 2كوب عدس اصفر
2فرع كرفس حسب رغبتك انتى 1حبة طماطم متوسطه
ملعقه ونص كبيره من السمنه او 4ملاعق كبيره من زيت الذره -6فصوص مستكه
الطريقه&
يغسل العدس جيدا ويوضع فى اناء ويغطى بالماء ويضاف اليه البصل المقشر وحلقات الجزر وحلقات الطماطم بعد كده نغطى عليه ونرفعه على النار لحد مايغلى ثم يترك على النار الهادئه حتى ينضج تماما ويصبح كالعجينه سائله نحط المياه من قت لاخر كلما احتاج الامر بعد كده نصفى العدس فى عصارة الطماطم اوفى الخلاط عادى-يسخن السمن فى الاناء ونحط المستكه لحد ما تسيح تماما ونحط العدس المتصفى والملح المناسب ويخفف بالماء حسب الرغبه ونسيبوا على نار هادئه مع التقليب حتى يبدأ فى الغليان ويرفع من على النار ونحط عليه الكرفس بعد ما نقطعه صغييييييييييييير جدا
وبالهناء والشفاااااااااااااااااااء
ياسلام لو قدمنا مع الشوربه دى عيش محمص او محمص فى الزبده

السمك البانيه

اولا ازيكوا ياجماعه وحشتونى اوىىىىى
دا بقى السمك البانيه
المقادير:
1 كيلوا سمك موسى منزوع الجلد او ترنشات رقيقه من السمك الوقار وملح وفلفل وعصير ليمون وبقدونس
للقلى: 2 بيضه مضروبه - كميه مناسبه من البقسماط المطحون - زيتذره اوسمن حسب الرغبه- 4 ملاعق كبيره دقيق
الطريقه بقى
يغسل السمك بالماء الجارى والدقيق ويترك فى المصفاه ليصفى ماءه ثم يتبل بعصير الليمون والملح والفلفل ويترك نصف ساعه ليتشرب -يضرب البيض فى طبق ويوضع الدقيق فى طبق اخر ويوضع البقسمات فى طبق ثالث نشيل السمك ويجفف ويغمس فى البيض ثم يلف فى الدقيق ثم فى البقسمات ويضغط عليه برقه ليلتصق البقسماط ثم يحمر فى الزيت او السمن ونحطوا على ورق يتشرب
ليصفى الزيت
- نزين الطبق الى هنقدم فيه بفروع بقدونس وحلقات الليمون ونرص فيه السمك البانيه ويقدم ساخنا

دقية الباميه فى الفرن

المقادير

1 كيلو باميه نصف كيلو طماطم
نصف كيلو لحم قطع ويفضل اللحم الضانى 1بصله مبشوره
10 فصوص ثوم 2 ملعقه كبيره سمن
قرن فلفل صغير حراق او حلو عصير لمونه _ ملح وفلفل
الطريقه

تحمر الباميه قليلا فى السمن بعد غسلها وتجفيفها وتقميعها ثم تنشل ويحمر البصل واللحم فى السمن المتبقى ثم يضاف عصير الطماطم والماء ويترك على النار الهادئه حتى يقترب من النضج
- ينشل اللحم و توضع نصف الكميه فى قعر طبق الفرن وترص فوقه طبقه من الباميه ثم بقية اللحم وفوقه بقية الباميه تضاف الصلصه وقليل من الماء والثوم المدقوق مع قرن الفلفل والملح والفلفل وعصير الليمون يسخن الفرن ( متوسط الحراره) ويوضع فيه طبق الباميه حتى يتم النضج ويتسبك